الأحد، 18 يوليو 2010

ولك الحمد يالله

يا رب لك الحمد كما ينبغى لجلال وجهك وعظيم سلطانك
كرمك يالله أكثر مما نحلم أو نتخيل
اشكرك يا ربنا على اختيارك وعلى عطاياك وعلى مننك الكثيرة
فحقا ااااااا إن بعد العسر يسرا
وان نهاية الطريق نور وأمل وبداية جديدة
سأحاول أن ابدأ بداية جديدةتكون فاتحة خير ان شاء ربنا
وتقبل منا يا الله سائر أعمالنا واجعلها خالصة لوجهك الكريم

السبت، 10 أكتوبر 2009

الملك والوزراء الثلاثة

في يوم من الأيام أستدعى الملك وزراءه الثلاثة
وطلب منهم أمر غريب
طلب من كل وزير أن يأخذ كيس ويذهب إلى بستان القصر
وأن يملئ هذا الكيس للملك من مختلف طيبات الثمار والزروعكما طلب منهم أن لا يستعينوا بأحد في هذه المهمة و أن لا يسندوها إلى أحد أخر
استغرب الوزراء من طلب الملك و أخذ كل واحد منهم كيسة وأنطلق إلى البستانفأما الوزير الأول فقد حرص على أن يرضي الملك فجمع من كل الثمرات من أفضل وأجود المحصول وكان يتخير الطيب والجيد من الثمار حتى ملئ الكيس
أما الوزير الثاني فقد كان مقتنع بأن الملك لا يريد الثمار ولا يحتاجها لنفسة وأنة لن يتفحص الثمار فقام بجمع الثمار بكسل و أهمال فلم يتحرى الطيب من الفاسد
حتى ملئ الكيس بالثمار كيف ما اتفق.
أما الوزير الثالث فلم يعتقد أن الملك يسوف يهتم بمحتوى الكيس اصلا فملئ الكيس با الحشائش والأعشاب وأوراق الأشجار.
وفي اليوم التالي أمر الملك أن يؤتى بالوزراء الثلاثة مع الأكياس التي جمعوها
فلما أجتمع الوزراء بالملك أمر الملك الجنود بأن يأخذوا الوزراء الثلاثة ويسجنوهم على حدة كل واحد منهم مع الكيس الذي معة لمدة ثلاثة أشهر،
في سجن بعيد لا يصل أليهم فية أحد كان, وأن يمنع عنهم الأكل والشرب،
فاما الوزير الأول فضل يأكل من طيبات الثمار التي جمعها حتى أنقضت الأشهر الثلاثة،
وأما الوزير الثاني فقد عاش الشهور الثلاثة في ضيق وقلة حيلة معتمدا على ماصلح فقط من الثمار التي جمعها ،
أما الوزير الثالث فقد مات جوع قبل أن ينقضي الشهر الأول.
وهكذا أسأل نفسك من أي نوع أنت فأنت الأن في بستان الدنيا لك حرية،
أن تجمع من الأعمال الطيبة أو الأعمال الخبيثة ولكن غدا عندما يأمر ملك الملوك أن تسجن في قبرك ،
في ذلك السجن الضيق المظلم لوحدك , ماذا تعتقد سوف ينفعك غير طيبات الأعمال التي جمعتها في حياتك الدنيا،
لنقف الآن مع انفسنا ونقرر ماذا سنفعل غداً

الثلاثاء، 1 سبتمبر 2009

تحالف المصالح


تحالف المصالح والمطامح والأوهام أحيانا ما ينتاب الواحد منا لحظات يحب أن يعيش فيها وهما ويحاول أن يبعد عن رأسه أي فكرة توحي إليه بأن ما يعيشه ليس إلا وهما أحبه، ويظل علي هذا الحال فترات طويلة. يعيش الوهم. حتي تأتي لحظات فارقة تتطلب منه حسما فإذا بالحقيقة تتبدي أمامه واضحة كقرص الشمس وحينها فقط يدرك أنه لم يكن سوي ظمآن جري وراء السراب لعله يكون ماء وهو - في قرارة نفسه - يعلم أنه ليس سوي سراب.

ويحدث هذا كثيرا في العلاقات الاجتماعية التي نكونها. فمثلا قد نكون واثقين تماما من أن البعض يتقرب إلينا لمجرد مصلحة له عندنا وبمجرد انقضائها تنتهي العلاقة إلا أننا نؤمل فيها الكثير ونعول عليها أكثر بل ونبني من أجلها قصورا في الهواء. مثل هذه العلاقة المثلثة تقوم علي تحالف ثلاثة أمور: المصالح المشتركة، المطامح التي نرجوها، والأوهام التي نحب أن نعيش فيها لنجمل من نفاق الواقع.
وأقصد بنفاق الواقع تلك الطريقة في التعامل التي يجتهد فيها كل طرف ليخفي بقدر الإمكان مصالحه الخاصة من وراء علاقته بالطرف الآخر. ويظل يخفي ذلك. وبمرور الوقت يكون كمن كذب كذبة ثم صدقها وعاش فيها حينا من الدهر.

الأربعاء، 29 يوليو 2009

الرجل والمرأه

يقول الكاتب الانكليزي الشهير دايفيد لورانس: "إن مصدر الحياة ومصدر المعرفة هما في الرجل والمرأة، ومصدر العيش لكل من يحيى في هذه الحياة هو في الالتقاء والاختلاط بين هذين الإثنين: حياة الرجل وحياة المرأة، معرفة الرجل ومعرفة المرأة، إنسانية الرجل وإنسانية المرأة"... والحياة تستمر..
ما رايكم فى هذه المقولة
هل هناك صداقة حقيقية بينهما أم لا يمكن لهذه الصداقة أن تكون؟؟؟؟؟؟؟.

الأحد، 12 يوليو 2009

وحشتونى وحشتونى وحشتونى

ازيكم يا جماعة عامليين اية؟
والله العظيم وحشتونى جدا وانا اسفة لانى بقالى كتير مش بدخل بس ظروف والحمد لله ساعود لاستناف نشاطى
هههههههههه
المهم انا بحب اسلم على كل اللى سأل على واشكرهم طبعا
وعاوزة اقولكم انى كنت بختلس بعد الاوقات علشان اقرأ بوستاتكم الجديدة حتى لو مكنتش بعلق عليها
والف شكر مرة تانية لكل اللى سأل علية
وياللا نبتدى تانى و ربنا المستعان

الخميس، 28 مايو 2009

لماذا اذن؟؟؟؟؟؟



انا قريت ميل قريب عن قصة بين سقراط واحد الاشخاص


الشخص ده جه لسقراط وقاله سمعت اللى الناس بيقولوه عن الطالب بتاعك


راح سقراط قاله انا عاوز اسالك على حاجة هل اللى انت هتقولهولى عن الطالب بتاعى ده انت متاكد منه؟


راح الراجل اتردد وقاله لا انا سمعت الناس بيقولوه


قاله طب الحاجة اللى هتقولهالى عنه ده حاجة كويسة؟


راح الراجل قاله برده لا بالعكس دى حاجة سيئة


راح سقراط مديلة السؤال اللى بعده طب الحاجة اللى هتقولهالى دى هتفدنى فى اى حاجة؟


قاله الراجل برده لا


راح سقراط بقة قاله اية يعنى لما هى لهى حاجة متاكد منها وسيئة وكمان مش هستفيد حاجة لما اعرفها جاى تقولهالى لية






كل سنه وانتى طيبة يا هبه عيد ميلادى بكرة


انا لسة فى العشرينات برده بس العد التنازلى هيبتدى من بعد النص


يا ريت تدعولى بدعوة حلوة فى عيد ميلادى


وبجد وحشتونى كلكهم وانا اسفة انى مزرتكوش بقالى كتير

الثلاثاء، 12 مايو 2009

بعد شهر وكمان تاج



س\ اسمك؟


اسمى الحقيقى هبه خليل


س\ المشهور به وسط أصحابك؟


هبه بردة بس انا بحب اسم ندا


وهو اسم عيلتى


س\ سنك؟


اهو فى العشرينات وخلاص


س اسم مدونتك؟


ندا وكنت عاوزة اغيرها ل ويبقى الامل بس لسة بفكر فى الموضوع ده


س مجال دراستك؟


بكالوريوس اقتصاد وعلوم سياسية


وانشاء الله ناوية اعمل ماجستير فى ادارة الاعمال قريب باذن الله


س الصورة الرمزية لمدونتك بتعبر عن اية؟


عن وردة بس هى ليها معزة خاصة عندى الوردة لية

س\هل فكرت فى اغلاق مدونتك؟
هو انا لحقت انا لسة جديدة فى عالم التدوين على فكرة

س\ايه رد فعلك لو حد قل ادبه عليك ؟


طبعا دة يبقى حد مش محترم وافضل حاجة انى معيروش اى اهتمام يذكر


ولا اكن خالص


وربنا هو اللى بيحاسب

س\اسوأ مدونة ؟


لسة مشوفتهاش

س\ هيحصل ايه للا يميل لما تموت ؟


اكيد هتموت معايا طبعا او حزنا علىَ

س\ اديت الباس ووردبتاعتك لحد ؟
خالص بس اخواتى عارفين انة مبستعملش غير واحد فى كل حاجة


س\السفر بالنسبة لك ؟


ياااااااااااه بحبه قوى قوى


وكل يوم بتعلم حاجة جديدة وده شى بيبسطنى ويرفع معنوياتى


بحس انى ممكن اقدر ابدا من جديد

س\المود بتاعك ؟


انا شخصية عملية مغلفة بالرومانسية


ورومانسيتى دى لسة مكتشفاها قريب


هو حد لفت نظرى ليها


اصلى كمان بلبس نظارة نظر

س\بتعمل ايه فى وقت فراغك ؟
والله انا مبلقيش وقت فراغ كبير بس لو عندى بساعد ماما فى شغل البيت


س\الاكلة المفضلة لك؟


اكتر حاجة اكتر حاجة المحشى والحمام والملوخية لانها اكتر حاجات بطبخها بفن

س\الصفات التى ورثتها عن والدك ؟
انا اقرب لبابا فى الشكل


واكتر صفة اخدتها منه الهدوء والنظام


س\الصفات التى ورثتها عن والدتك ؟
الطيبة وعزة النفس ربنا يديها الصحة وطول العمر يا رب هى وبابا


س\اكتر ست حاجات بتكرها؟

اكتر حاجة ان حد يبقى فى استطاعته انه يساعد حد تانى وميرداشى وفيه مثل بيقول حوائج الناس اليكم من نعم الله عليكم فلو فية حد ربنا مديله نعمة وميساعدش بيها الناس يبقى لما تزول منه ميزعلش لانه مصنهاش

بكرة النفاق

بكرة لحظة الفراق

بكره الخداع

بكرة الاحساس بالظلم

بكره انك تثق فى حد وميبقاش قد الثقة دى


اكتر ست حاجات بتحبهم ؟



  • بحب ربنا والرسول عليه الصلاة والسلام


  • بحب ماما وبابا واخواتى واصحابى


  • بحب الجو الجميل والطبيعة والبحر


  • بحب النجاح


  • بحب لحظة الفرح

س لماذا دخلت عالم التدوين؟

والله انا دخلت التدوين بالصدفة



فى شهر اغسطس الللى فات زميل بعتلى عنوان مدونته علشان اعلق على قصة كتبها



وحسبت انه علشان اعلق على القصة دى لازم اكون مشتركة وبالفعل عملت المدونة ونسيتها لغاية شهر ابريل اللى فات فتحتها علشان افضفض باللى جوايا بعد ما ظهرت نتيجة التمثيل التجارى وموفقتش فيه كان عندى كم غضب ملهوش حل وكان لازم اخرجه على الورق حتى لو محدش قرا اللى انا بكتبة كان لازم اخرجه من جوايا علشان اقدر اهدا وابدا من جديد



لقيت التدوين ده عالم ملهوش حل



وبجد جذبنى جدا ويا رب استمر فيه



س أهمية التعليقات بالنسبة ليك؟



الاول انا مكنتش مهتمة بس لقيت انها بتلفت نظرى لحاجات معينة وبعدين بكون مبسوطة لما حد جديد بيدخل مدونتى ويعلق عندى بحس انه اصحابى بيزيدوا وده احساس جميل قوى



أجمل كلمة قيلت فى وصف مدونتك ؟



والله انا بحب كل التعليقات اللى بتكتب عندى بس تعليقات مامة مازن ليها مذاق خاص عندى لانها كمان اول شخص قرا مدونتى وعلق عندى وهى اللى مررتلى التاج



الانترنت بالنسبة لك ايه ؟



نافذه على العالم



س احلى بوست كتبته؟



انا بحب كل البوستات اللى انا كتبتها واعتقد انه الاحلى لسة مجاش لسه





افضل بوست قرأته..؟؟؟:)



انا قرات بوستات كتير حلوة قوى بس احلاهم قصة اللؤلؤة والانسان فى مدونة خواطر ليست عابرة لان القصة دى لها معزة كبيرة عندى واللينك بتاعها اهو http://khawater3.blogspot.com/2008_09_01_archive.html



تمرر التاج ده لمين...؟؟؟



والله لو مكنتش مامة مازن هى اللى ممررتهولى كنت مررتهولها بس ممكن اختار محمد غالية وتلاقيه اخده كذا مرة ولمحمد عفيفى اللى توقف عن التدوين علشان يرجع يدون تانى صاحب مدونة خواطر ليست عابرة واقوله اللى بيتكتب فى الكراسة ممكن تكتبه فى المدونه يا محمد