انا قريت ميل قريب عن قصة بين سقراط واحد الاشخاص
الشخص ده جه لسقراط وقاله سمعت اللى الناس بيقولوه عن الطالب بتاعك
راح سقراط قاله انا عاوز اسالك على حاجة هل اللى انت هتقولهولى عن الطالب بتاعى ده انت متاكد منه؟
راح الراجل اتردد وقاله لا انا سمعت الناس بيقولوه
قاله طب الحاجة اللى هتقولهالى عنه ده حاجة كويسة؟
راح الراجل قاله برده لا بالعكس دى حاجة سيئة
راح سقراط مديلة السؤال اللى بعده طب الحاجة اللى هتقولهالى دى هتفدنى فى اى حاجة؟
قاله الراجل برده لا
راح سقراط بقة قاله اية يعنى لما هى لهى حاجة متاكد منها وسيئة وكمان مش هستفيد حاجة لما اعرفها جاى تقولهالى لية
كل سنه وانتى طيبة يا هبه عيد ميلادى بكرة
انا لسة فى العشرينات برده بس العد التنازلى هيبتدى من بعد النص
يا ريت تدعولى بدعوة حلوة فى عيد ميلادى
وبجد وحشتونى كلكهم وانا اسفة انى مزرتكوش بقالى كتير
هناك 12 تعليقًا:
اتشرف باول تعليق
اتشرف باول تعليق
كل عام وانتى بخير وطاعه لله
وحكمه جميله
تحياتى
بصراحه
رائعه لو كل واحد عمل كده هيستفيد
ومن غير سقراط دينا طالبنا بكده
كل عام وانت بخير ..وإلى الله أقرب وعلى طاعته مداومه
وإلى رحابه ساعيه وراغبه
ياريت كل الناس تنتبه لموضوع الغيبة والنميمة
القصة ممتازة
نابعة عن منطف وتفكير راقي وعقل ناضج
أنا أصلا بحب سقراط وإسم الدلع لإبني التالت هو سقراط
علشان عاقل ومنطقي التفكير
يارب أصحى في يوم ألاقي الدنيا كلها بقت يوتوبيا يعني بقت مدينة فاضلة كلها خير وحب وسلام وأدب
شكرا على الموضوع يا ندا
وبعدين تعالي هنا بقى
قلتيلي متأخرة في كتابة موضوع جديد في مدونتي أيقظ قدراتك ولما نزلته ماشفتكيش
إنتي غطسانه فين؟
يا نهار ابيض كل سنة وانتى طيبة وعقبال سنين كتييييييييييييييير قوى
وانتى بكل خير وصحة وسعادة وعقبال يارب ميحققلك كل امنياتك وعيد ميلادك الجاى تبقى ملحق تجارى كده واللا حاجة حلوة كده
وكمان عيد ميلادك الجاى برضه تعذمينا على الفرح يارب عريس كده ابن حلال وبتاع ربنا وشبه رشدى اباظه
سلامى لك اختى ندا(اسمحيلى اقولك ندا بدل هبه)
:)
كل سنة و انتي طيبة و السنة دي تبقي احلي من السنة الي الفاتت و اوحش من السنة الجاية.
و ربنا يبعد من سكتك الناس الي زي الراجل الي راح ل سقراط
:))
كل سنة وانتي طيبه ياجميل
وليه بس عد تنازلي كلنا تنازلي (: هههه
جميل جداً الموقف بتاع سقراط ده
تسلم ايديكي
تحياتي ,,,
يا ريت كل حاجة فى حياتنا نستعمل فيها منطق سقراط ده حاجات كتير كانت اتغيرت . تحياتى
ندا ايه مدونتك مش واحشاكى
ملكيش نفس تكتبى فيها واللا ايه
طب احنا ذنبنا ايه بقى
بلاش كسل يا ندا يلا بقى
المهم عندك تاج ولازم تجاوبى عليه
تحياتى لكى اختى ندا المجتهدة
ايه ده يعنى أرجع الإمتحانات مش ألاقيكى
بنوتة تايهة يا ولاد الحلال واسمها ندا قصدى هبه
إرسال تعليق