تجربتى

بجد انا لازم احكى عن تجربتى لانى خلاص معنتش قادرة لازم افضفض لانه خلاص فاض بيه
يمكن الفضفضة تخفف عنى شوية
اولا انا خريجة سياسة واقتصاد بعد ما اتخرجت وفكرت فى الشغل كان نفسى التحق بالسلك الدبلوماسى كاى خريج من الكلية دى وكل ما استشير حد يقولى الخارجية دى لها ناسها ، ودول فى الوزارة عائلات معروفة ، ودى لازم تقدمى تنازلات انتى مش هتسمحى بيها لانك محجبه وهما مبيقبلوش محجبات والكلام ده يعنى قولت ماشى ااجل المضوع شوية لحد ما الاقى شغل واقف على رجلى وبعدين اصرف على الخارجية لانى محتاجة اقوى لغتى الاولى والتانية طبعا وامتحانات ومجلات تتقرا وكتب ومواال كبير
بس اشتغلت شغانة مؤقته وقعدت فيها فترة وسبتها لاسباب مفيش مجال لذكرها دلوقتى
وفى دماغى برده موضوع الخارجية قولت هى دى فرصتى انا متفرغة دلوقتى ومبشتغلش ولازم احقق حلمى
وبجد والله اجتهدت وحرمت نفسى من حاجات كتير وصرفت مدخراتى وخسيت من كتر المذاكرة لدرجة انى كنت بذاكر اكتر من ما كنت بذاكر ايام الكلية واحفظ فى كلمات واعمل جداول مذاكرة واتفرج على قناه الجزيرة واكلم ناس امتحنو قبل كدة علشان استفيد من تجربتهم وفى الاخر ظهرت نتيجة التحريرى
ونجحت
بس محستش بطعم النجاح ده لية بقى؟
يوم النتيجة كنت قاعدة فى البلكونه ماسكة الجرنال بشوف ايىه اللى جرى فى الدنيا
لقيت واحد زميلى بيتصل بيه ازيك اخبارك اية والكلام ده
قولت ماله ده اية اللى فكره بيه مش بعادة يعنى وبعدين ليته بيتصل بيه هما بتوع الخارجية متصلوش بيكى
الدنيا دارت بيه قولتله لا هما اتصلو بيك قاللى اه من الصبح والساعة دلوقتى 3 ونص قولتله مبروك بس الدنيا كانت بتدور بيه
بعد كل التعب ده
الحمد لله
لقيته بيقولى بس ازاى متصلوش بيكى انتى اشطر واحدة فينا لازم تنجحى ( نسيت اقولكم اننا كنا مع بعض فى كورس اعداد للسلك الدبلوماسى)
قاللى خلاص النمرة اللى اتصلو بيه منها اهى كلميهم واسالى
اخدت منه النمرة واتصلت
ورن التليفون وقلبى كان بيرن معاه
خليك معايا يا رب
ردت على واحدة ست وبصوت مرتعش قولتلها هى دى وزارة الخارجية قالتلى ايوة
قولتلها نتيجة امتحان الدبلوماسى بانت
قالتللى ايوة بانت انهاردة
سالتها عن اسمى
ردت على مبروك انتى نجحتى والمفروض تيجى الوزارة يوم كذا علشان تملى كراسة الامنواحنا كنا لسه نتصل بيكى
وضاعت على فرحة اتصالهم لاخبارى بالنتيجة
بس بردة كنت فرحانه
وبدات رحلة الاستعداد للشفوى
وغدا البقية